കഴിഞ്ഞ കുറച്ചു നാളുകളായി പോക്കറ്റിനു റീസെഷന്‍ ബാധിച്ചത് കാരണം വീട്ടില്‍ നിന്നും മുങ്ങി നടക്കുകയായിരിന്നു. കടകാരെ കൊണ്ടുള്ള ശല്യം അത്രയ്ക്ക് ഉണ്ടേ.. ബാങ്ക് അക്കൗണ്ട്‌ പോലും ഫ്രീസ് ആയിപോയി.(വെള്ളം വരെ ഫ്രീസ് ആകും സീറോ ഡിഗ്രിയില്‍ പിന്നെ ആണോ ഒരു ബാങ്ക് അക്കൗണ്ട്‌!!!). അതിന്റെ ടെന്‍ഷന്‍ കാരണം കത്തിയുടെ(ബ്ലോഗിന്‍റെ) ബാക്കി എഴുതാനും കഴിഞ്ഞില്ല. ബ്ലോഗ്‌ പൂട്ടി താക്കോല്‍ വല്ല കടലിലോ കായലിലോ എറിയാം എന്ന് കരുതിയതാണ് പക്ഷെ കത്തി വെക്കാനുള്ള എന്റെ അപാരമായ കഴിവ് വെറുതെ പാഴാക്കി കളയണ്ട എന്ന് കരുതി മാത്രം ബാക്കി കൂടി എഴുതുന്നു.
കഥ തുടരുന്നു...
അമേരിക്കയിലെ വേള്‍ഡ് ട്രേഡ് സെന്‍റര്‍ വീണത് പോലെ എന്റെ രണ്ടാമത്തെ പ്രണയവും മൂക്കുകുത്തി വീണു അതോടുകൂടി കമ്പ്ലീറ്റ്‌ തരികിടകള്‍ക്കും ബൈ ബൈ പറഞ്ഞു. വീട്ടില്‍ നിന്നും പുറത്തേക്കു ഇറങ്ങാതെ ഏതാണ്ട് ഒരു വര്ഷം, വീട്ടില്‍ വരുത്തുന്ന ദിനപത്രം തൂക്കി വിറ്റും, അമ്മ മസാല പെട്ടിയില്‍ ഒളിപ്പിച്ചു വെക്കുന്ന ചില്ലറ പൊക്കിയും സസുഖം വാഴുന്ന കാലത്താണ്, അച്ഛന്റെ സൌദിയില്‍ ജോലിയുള്ള അനുജന്‍ വീട്ടില്‍ വന്നത്, ഞാന്‍ പത്താം ക്ലാസ്സ്‌ സര്‍ട്ടിഫിക്കറ്റ്-ഉം വെച്ച് ഗുസ്തിക്ക് പഠിക്കുന്നത് കണ്ട്, സ്നേഹം കൊണ്ടോ അതോ സഹതാപം കൊണ്ടോ അതോ അച്ഛനോടുള്ള കടപ്പാട്(ആദ്യമായിട്ടു സൌദിക്ക് പോകാനുള്ള വിസയ്ക്ക് കാഷ് ലോണ്‍ എടുത്തു കൊടുത്തത്) കൊണ്ടോ എന്താണെന്ന് അറിയില്ല, എന്നെ എത്രയും പെട്ടെന്ന് തന്നെ ഒരു ഗുല്‍ഫ്കാരന്‍ ആക്കാം എന്ന് പറഞ്ഞത്. താന്‍ തിരിച്ചു ചെന്നാല്‍ ഉടന്‍ തന്നെ ഒരു ട്രാവെല്‍സ് തുടങ്ങുമെന്നും, അതിന്റെ പൂര്‍ണ്ണ ചുമതല ഇവനെ എല്പിക്കാം എന്നും അച്ഛനോട് പറഞ്ഞപ്പോള്‍ സത്യത്തില്‍ ഞാന്‍ ഗോരി തരിച്ചു പോയി. കുറച്ചു നാള്‍ മാറി നില്‍ക്കുന്നതാണ് നല്ലത് എന്ന് എനിക്കും തോന്നി. പക്ഷെ അതിനു ആദ്യം ട്രാവല്‍ ആന്‍ഡ്‌ ടൂറിസം കോഴ്സ് പഠിക്കണം. എന്റെ നല്ല കാലത്തിന് അന്ന് പത്താം ക്ലാസ്സ്‌ മതി കോഴ്സ് പഠിക്കാന്‍. ആറ് മാസം കഴിഞ്ഞു മകന്‍ ഒരു ഗുള്‍ഫ്കാരന്‍ ആകും എന്ന പ്രതീഷയോടെ അടുത്ത ദിവസം തന്നെ അച്ഛനും അമ്മയും കൂടി ആ കോഴ്സ് പഠിപ്പിക്കുന്ന ഇന്‍സ്റ്റിട്ട്യുട്ട് കണ്ടുപിടിച്ചു അഡ്മിഷന്‍ ഫോമും വാങ്ങി വന്നു.
അച്ഛന്റെയും അമ്മയുടെയും പ്രതീഷകള്‍ ഞാന്‍ ആയിട്ട് വീണ്ടും തകര്‍ക്കണ്ട എന്ന് കരുതി പുതിയ ബാച്ചില്‍ ചേര്‍ന്ന് പഠനം തുടങ്ങി. വലിയ പ്രശ്നങ്ങള്‍ ഒന്നും ഇല്ലാതെ തന്നെ ആറ് മാസത്തെ കോഴ്സ് കമ്പ്ലീറ്റ്‌ ചെയ്തു. സര്‍ട്ടിഫിക്കറ്റ് കിട്ടിയതിന്റെ അന്ന് തന്നെ ഞാന്‍ അച്ഛന്റെ അനുജനെ ഫോണ്‍ ചെയ്തു വിവരം ധരിപിച്ചു. തല്‍കാലം നാട്ടിലെ ഏതെങ്കിലും ഒരു ട്രാവെല്‍സ്സില്‍ എക്സ്പീരിയന്‍സ് കിട്ടാന്‍ വേണ്ടി മാത്രം ജോലിക്ക് കയറാന്‍ പറഞ്ഞു...ഗോസ്സ് കഴിഞ്ഞാല്‍ ഉടന്‍ എന്നെ ഒരു ഗുള്‍ഫ്കാരന്‍ ആക്കി തരാം എന്ന് പറഞ്ഞത് മുതല്‍, സൗദിയില്‍ ചെന്ന് ഇറങ്ങുന്നതും, പുതിയ എം ഡിയെ വരവേല്‍ക്കാന്‍ ട്രവേല്സിലെ സ്റ്റാഫ്‌ മൊത്തം എയര്‍പോര്‍ട്ടില്‍ കാത്തു നില്‍ക്കുന്നതും അവര്‍ "സര്‍, ഗ്ലാട്ടു മീറ്റ്‌ യു, വെല്‍ക്കം ടു സൗദി" എന്ന് പറയുന്നതും സ്വപ്നം കണ്ടു തുടങ്ങിയിരുന്നു. ഇപ്പോള്‍ പറയുന്നു നാട്ടില്‍ ജോലി കണ്ടുപിടിക്കാന്‍. അങ്ങേര്‍ക്കു അവിടെ ഇരുന്നു അത് പറയാം, ഒരു ഇന്റര്‍നാഷണല്‍ ട്രാവെല്‍സിന്റെ എം ഡി ആയിട്ട് ജോലി ചെയ്യേണ്ട ഞാന്‍ വെറും ലോക്കല്‍ ട്രവെല്സില്‍!!!!! രണ്ടു ദിവസത്തിനകം അച്ഛന്റെ പരിചയത്തില്‍ ഉള്ള ഒരു ട്രവെല്സില്‍ ജോലി തരപെടുത്തി തന്നു. ഒരു ടൂറിസ്റ്റ് സ്പോട്ടില്‍ ആയിരിന്നു ഈ പറഞ്ഞ ട്രാവെല്‍സ്. വീട്ടില്‍ നിന്നും ഒരു പത്തു ഇരുപതു കിലോമീറ്റര്‍ അകലെ ആണ്, ..വീട്ടില്‍ കുറച്ചു ബഹളം വെച്ചപ്പോള്‍ അച്ഛന്റെ മറ്റൊരു അനുജന്റെ(ദുഫയികാരന്റെ) ബൈക്ക്(ഹോണ്ട സീഡി100) ഉപയോഗിക്കാനുള്ള അനുവാദം വാങ്ങി തന്നു(അച്ഛന്‍ മറ്റൊരു ബൈക്ക് വാഗ്ദാനം ചെയ്തിട്ടുണ്ടാകണം).
"ഗസ്റ്റ് റിലേഷന്‍സ് ഓഫീസര്‍" ശമ്പളം കുറവാനെങ്ങിലും, ജോലി ഇഷ്ട്ടപെട്ടു. കൂടുതല്‍ നേരവും ഓഫീസില്‍ തന്നെ ഇരുന്നുള്ള പണി ആണ്. വിദേശികള്‍ വിമാനത്തില്‍ വന്നു ഇറങ്ങുന്നത് മുതല്‍ തിരിച്ചു വിമാനത്തില്‍ കയറുന്നത് വരെ അവരുടെ യാത്ര, താമസം, ആന സവാരി, ഹൗസ് ബോട്ട് യാത്ര, എന്ന് വേണ്ട എല്ലാ കിടുപിടി പരിപാടികളും(സോറി, നിങ്ങള്‍ ചിന്തിച്ചത് ഇതില്‍ പെടില്ല..) പ്ലാന്‍ ചെയ്യണം. പ്ലാനിങ്ങിന്റെ കാര്യത്തില്‍ പണ്ടേ നുമ്മ പുലി അല്ലേ. അവര്‍ക്ക് നമ്മുടെ അറേഞ്ച്മെന്റ്സ് ഇഷ്ട്ടപെട്ടാല്‍ തിരിച്ചു പോകുന്നതിനു മുന്‍പ് ടിപ്സ് എന്ന പേരില്‍ ഡോളര്‍ ആയിട്ടോ, പൗണ്ട് ആയിട്ടോ കയ്യില്‍ വെച്ച് തരും. കയ്യില്‍ ക്യാഷ് വന്നപ്പോള്‍ ഫ്രണ്ട്സ്ന്റെ(കുരിശുകളുടെ) എണ്ണവും കൂടി. എന്തിനതികം പറയുന്നു, ജോലി സ്ഥലത്ത് നിന്നും അത്യാവശ്യമാണെന്ന് പറഞ്ഞു ഒരു ബാറിലേക്ക് വിളിച്ചു വരുത്തി ബില്ല് കൊടുപ്പിച്ച വിരുതന്മാര്‍ വരെ ഉണ്ട് ആ കൂട്ടത്തില്‍. ആറ് മാസത്തെ ട്രെയിനിംഗ് ആണ് പറഞ്ഞിരുന്നത്..അച്ഛന്റെ അനുജന്‍ പറഞ്ഞാല്‍ പറഞ്ഞത് പോലെ ചെയ്യുന്ന ആള്‍ ആയതുകൊണ്ട് ആറ് മാസം ആറ് വര്ഷം ആയി മാറിയത് ഞാന്‍ അറിഞ്ഞതേ ഇല്ല...പക്ഷെ അച്ഛന്റെ അനുജന്‍ അന്ന് തന്ന വാഗ്ദാനത്തിനു എന്റെ ആദ്യ പ്രണയത്തിന്റെ ഒറിജിനല്‍ ക്ലൈമാക്സ്‌സുമായി ബന്ധമുണ്ടാകും എന്ന് സ്വപ്നത്തില്‍ പോലും ഞാന്‍ കരുതിയില്ല.
PS: സിഗരറ്റും മദ്യവും അല്ലാതെ മറ്റൊരു ലഹരി വസ്തുവും ഞാന്‍ ഇന്നേവരെ ഉപയോഗിച്ചിട്ടില്ല, അമ്മച്ചിയാണേ പേടിച്ചിട്ടല്ല കേട്ടാ. ചിലരുടെ തെറ്റ്ധാരണ മാറ്റുവാന്‍ വേണ്ടിയാണ് ഈ കാര്യം എടുത്തു പറഞ്ഞത്.
PS: ഞാന്‍ വീട്ടില്‍ നിന്നും "മോഷ്ട്ടിച്ചു" എന്ന് ചിന്തിക്കുന്നവരോട്, അന്യന്റെ മുതല്‍ എടുത്താല്‍ മാത്രമേ മോഷണം എന്ന് പറയാന്‍ പറ്റു, സ്വന്തം വീട്ടില്‍ നിന്നും അച്ഛനും അമ്മയും അറിയാതെ എടുക്കുന്നത് നമ്മള്‍ ഇസ്കി, പൊക്കി, കമഴ്ത്തി എന്നൊക്കെ പറയും പക്ഷെ ഒരിക്കലും മോഷണം എന്ന് പറയില്ല. (അനുജന്റെ റൂമില്‍ നിന്നും എന്ത് എടുത്താലും അത് നമ്മള്‍ ചേട്ടന്മാരുടെ അവകാശമാണ്)
No comments:
Post a Comment